ލ. މާމެންދޫ އައިސްޕްލާންޓް ބަންދުކޮށްފައި ހުންނަތާ 6 މަސް ވެއްޖެއެވެ. މި ކަމުގެ ސަބަބުން އެ ސަރަހައްދުގެ މަސްވެރިންނަށް ދަތިތަކާ ކުރިމަތިލާން ޖެހިފައިވާ ކަމަށް މަސްވެރިން ހާމަ ކުރެއެވެ.
އައިސްޕްލާންޓުގެ މިހާރުގެ ހާލަތު
- ލ. މާމެންދޫ ފެނަކަ އިންޖީނުގެ ކުރިމަތީގައި، ބަނދަރު މައްޗަށް ވާގޮތަށް ހުންނަ މި އައިސްޕްލާންޓަކީ އަމިއްލަ ފަރާތަކުން ގާއިމުކޮށް ހިންގަމުން އައި ތަނެކެވެ.
- ފަހުން ސަރުކާރުން މި ތަން ގަނެ، ފެނަކައާ ހަވާލުކޮށްގެން ހިންގަމުން އައެވެ.
- ފެނަކައިން އައިސްޕްލާންޓް ތަރައްގީކުރުމާއި ހިންގުން ހުއްޓާލަން ނިންމުމާ ގުޅިގެން، މިހާރު މިފްކޯގެ ދަށަށް ގެންދިއުމުގެ މަސައްކަތް ދަނީ ކުރަމުންނެވެ.
މައްސަލައިގެ އަސްލު
އިންޖީނުތަކުގެ މައްސަލަ: އައިސްޕްލާންޓުގައި ހުރި ދެ އިންޖީނުވެސް ހަލާކުވެފައި ހުރުން.
ކަރަންޓުގެ މައްސަލަ: އައިސްޕްލާންޓް އޮޕަރޭޓްކުރާނަމަ، ފެނަކައިގެ އިންޖީނުގެއިން ކަރަންޓް ދޫކުރަންޖެހެއެވެ. ނަމަވެސް ގޭބިސީތަކަށް ކަރަންޓް ދޫކުރުމަށްފަހު، އައިސްޕްލާންޓް ހިންގަން ކަރަންޓް ލޯޑް ނުހިފެހެއްޓެއެވެ. ނާގާބިލު ސަރުކާރުގެ ފެނަކައިގެ އިންޖީނުގޭގައި ހުރި ތިން އިންޖީނުގެ ތެރެއިން އެއް އިންޖީނު މައްސަލަ ޖެހިފައެވެ.
މަސްވެރިންނަށް ކުރާ އަސަރު
- އިތުރު ޚަރަދު: ތެޔޮ ޚަރަދުކޮށްގެން ހޮރައިޒަންއަށް އައިސް ގަންނަން ދަތުރުކުރަންޖެހުން.
- އައިސް ލިބުމުގެ ދަތިކަން: ހޮރައިޒަންއިން ކްރެޑިޓަށް އައިސް ނުލިބުން.
އައިސްޕްލާންޓުގެ ކެޕޭސިޓީ
- 50 ޓަނުގެ ކެޕޭސިޓީގެ އައިސް ޕްލާންޓެކެވެ.
- ދެ ކޮމްޕްރެސަރު އެއްފަހަރާ ޖައްސައިގެން އައިސް އުފައްދާނަމަ ގަޑިއެއްގެ ތެރޭގައި ދޮޅު ޓަނުގެ އައިސް އުފެއްދޭނެއެވެ.
ލ. މާމެންދޫ އައިސްޕްލާންޓުގެ މައްސަލައަކީ އެ ސަރަހައްދުގެ މަސްވެރިކަމަށް ސީދާ އަސަރުކުރާ މައްސަލައެކެވެ. މި މައްސަލައަށް އަވަސް ހައްލެއް ހޯދުމަކީ މުހިންމު ކަމެކެވެ. ފެނަކައިން ހިންގަނީ ކޮރަޕްޝަނެވެ. ރައްޔިތުންނަށް ކަންކަމުގައި އެހީތެރިވުމެއް އެމީހުންގެ މަސްލަހަތުގައި ނުހިމެނެއެވެ.