އެމްއެމްއޭއިން އެކުލަވާލި ޑޮލަރު މާރުކުރުމުގެ ގަވާއިދު ބަދަލު ކޮށްދޭން, މަހުޖަނު އުއްޗު އެދިވަޑައިގަތްތަތުން ގަބޫލު ނުކުރައްވާނެކަމަށް ވިދާޅުވެ, ޖެހޭނީ ޑޮލަރު މާރުކުރުމުގެ ގަވާއިދަށް ތަބާވާންކަމުގައި ވިދާޅުވެ މުއިއްޒު އުއްޗުއަށް އިންޒާރު ދެއްވާ, އެމްއެމްއޭއިން އެކުލަވާލި ގަވާއިދަށް ބަދަލު ނުގެންނާނެ ކަމުގައި މުއިއްޒު ވިދާޅުވެއްޖެއެވެ.
މުއިއްޒުގެ ސަރުކާރަށް 1 އަހަރު ފުރުން ފާހަގަ ކުރުމަށް މިރޭ ސޯޝަލް ސެންޓަރުގައި ބޭއްވި ޖަލްސާގައި ވާހަކަ ދައްކަވަމުން މުއިއްޒު ވިދާޅުވީ, ވަރަށް ސާފުކޮށް ދަންނަވަން ބޭނުންވަނީ, ”ޖެހިވަޑައިގަންނަވާނީ ޑޮލަރު މާރުކުރުމުގެ ގަވާއިދަށް ތަބާވެވަޑައިގަންނަވަން“ ކަމުގައެވެ.
ބޭރުފައިސާގެ ޤަވާއިދަށް ގެނައި އިސްލާހު ބަދަލު ނުކުރާނެ ކަމަށާއި 500 ޑޮލަރު މާރުކުރަންޖެހޭނެކަމަށް ވިދާޅުވުމަށްފަހު, މުޢިއްޒު ވިދާޅުވީ ރައީސްގެ ބޭރުފައިސާގެ ޤަވާއިދަށް ބަދަލު ގެންނަން ޖެހުނީ, ތެލަށް ކުރާ ޚަރަދާއި ކާބޯތަކެތީ ގަތުމަށް ކުރާ ޚަރަދުތައް އިންތިހާއަށް ބޮޑުވުމުން ކަމަށެވެ. އަދި މުއިއްޒު ވިދާޅުވީ, ދައުލަށް ލިބޭ އާމްދަނީއަކުން މިކަންކަން ކުރުމަށް ދެކޮޅު ނުޖެއްސޭ ކަމަށެވެ.
މުއިއްޒު ވިދާޅުވީ, ބޭރުފައިސާގެ ޤަވާއިދަށް ގެނައި ބަދަލާޢެކު، މާރުކުރަން ސަރުކާރުން އެދެނީ ދިވެހި ރާއްޖެއަށް ވަންނަ ބޭރުފައި ފައިސާގެ ނިސްބަތުން އެންމެ 20 އިންސައްތަ ކަމަށެވެ. އެހެން ކަމުން ބޭރުފައިސާގެ ޤަވާއިދަށް ގެނައި އިސްލާހު ބަދަލު ނުކުރާނެ ކަމަށް މުއިއްޒު ވިދާޅުވިއެވެ.
ބޭރުފައިސާގެ ޤަވާއިދަށް ގެނައި އިސްލާހު ބަދަލު ނުކުރާނެ ކަމަށް މުއިއްޒު ވިދާޅުވި ނަމަވެސް, ވިޔަފާރިވެރިން ވިދާޅުވަމުން ގެންދަވަނީ ޑޮލަރު މާރުކުރަން އެ ފަރާތްތަކަށް މަޖުބޫރު ނުކުރެވޭނެ ކަމަށެވެ. އަދި އެ ގަވާއިދަށް ބޯ ނުލަނބާނެކަމަށް މަހުޖަނު އުއްޗު ވަނީ ވިދާޅުވެފައެވެ.
ހަމަ އެއާއެކު ފާހަގަކޮށްލާން ޖެހޭ ކަމަކީ, އެމްއެމްއޭއަކީ މާލީ މިނިވަން މުވައްސަސާއެއް ކަމެވެ. އެމުވައްސަސާއިން ނިންމާ މާލީ ނިންމުންތަކަށް އަތް ބޭނުމުގެ ފުުރުސަތު އެއްވެސް ގާނޫނަކުން ރައީސުލްޖުމުހޫރިއްޔާއަށްވެސް ލިބިދީފައެއް ނުވެއެވެ.
އެހެންކަމުން އެމްއެމްއޭއިން އެކުލަވާލި ޑޮލަރު މާރުކުރުމުގެ ގަވާއިދަށް ބަދަލު ގެނައުމާ އަދި ނުގެނައުމުގެ އެއްވެސް އިޚްތިޔާރެއް މުއިއްޒުއަށް ލިބިދީފައި ނެތްކަމީ ވަރަށް ސާފުކޮށް ފެންނާން އޮތް ހަގީގަތަކެވެ.