އިންޑިއާއަށް ސައުދީ އަރަބިއްޔާގެ އިންވެސްޓްމަންޓްތައް އިތުރުކުރުމަށްޓަކައި، އިންޑިއާ ސަރުކާރުން މުހިންމު ނިންމުމެއް ނިންމައިފިއެވެ. އެގޮތުން ސައުދީ އަރަބިއްޔާގެ ސޮވެރިން ވެލްތު ފަންޑަށް އިންޑިއާގެ ފޮރިން ޕޯޓްފޯލިއޯ އިންވެސްޓްމަންޓު ގަވާއިދުތަކުން ޚާއްޞަ އިސްތިސްނާއެއް ދީފިއެވެ.
މީގެ މާނައަކީ ކޮބާ؟
މިހާތަނަށް އިންޑިއާގެ ގަވާއިދުތަކުގައި ބުނެފައިވަނީ:
ބޭރުގެ ސޮވެރިން ފަންޑުތަކަށް އިންޑިއާ ކުންފުނިތަކުގެ ހިއްސާ ގަނެވޭނީ 10% އަށްވުރެ އިތުރުނުވާ ގޮތަށް
އެފަދަ ފަންޑުތަކުގެ ސަބްސިޑަރީ ކުންފުނިތަކަށް އިންވެސްޓްކުރުން މަނާ
މިހާރު މި އިސްތިސްނާއާއެކު:
ސައުދީ ފަންޑަށާއި އޭގެ ދަށުން ހިންގާ ކުންފުނިތަކަށް އިންޑިއާގެ ކުންފުނިތަކުގައި ހިއްސާ ގަތުމަށް މި ހުރަސްތައް ނެތި އިންވެސްޓްކުރެވޭނެ
ދެ ޤައުމުގެ ގުޅުން
އޭޕްރީލް މަހު އިންޑިއާގެ ބޮޑުވަޒީރު ނަރެންދުރަ މޯދީ ސައުދީއަށް ކުރެއްވި ދަތުރުގައި:
ހަކަތަ، އުމްރާނީ ތަރައްޤީ އަދި ފާމަސޫޓިކަލް ފަދަ ދާއިރާތަކުގައި ގުޅިގެން އިންވެސްޓްކުރުމަށް އެއްބަސްވެފައިވޭ
ދެ ޤައުމުން ބައިލެޓަރަލް އިންވެސްޓްމަންޓް ޓްރީޓީއެއް އެކުލަވާލުމުގެ މަސައްކަތް ކުރަމުންދޭ
މަތީ ފަންތީގެ އޮފިޝަލުން ހިމެނޭ ޓާސްކްފޯހެއް އެކުލަވާލާފައިވޭ
ސައުދީގެ އިންވެސްޓްމަންޓް ޕްލޭން
ސައުދީން ވަނީ އިންޑިއާގައި މަދުވެގެން 100 ބިލިއަން ޑޮލަރު އިންވެސްޓްކުރުމަށް ނިންމާފަ
މިހާރު އިންޑިއާގައި ހުރި ސައުދީ ފަންޑުގެ އެސެޓްތަކުގެ އަގު 3 ބިލިއަން ޑޮލަރަށް ވެސް ނާރާ
ޖިއޯ ކުންފުނީގައި: 1.5 ބިލިއަން ޑޮލަރުގެ ހިއްސާ
ރިލަޔަންސް ރީޓެއިލްގައި: 1.3 ބިލިއަން ޑޮލަރުގެ ހިއްސާ
ސައުދީ ސޮވެރިން ވެލްތު ފަންޑަކީ ދުނިޔޭގެ އެންމެ ބޮޑެތި ސޮވެރިން ފަންޑުތަކުގެ ތެރެއިން އެކެކެވެ. މި ފަންޑުގެ ޖުމްލަ އެސެޓް ޕޯޓްފޯލިއޯ 925 ބިލިއަން ޑޮލަރަށްވުރެ އިތުރެވެ.