އަމިއްލަފުޅާށާއި އަދި ނާއިބު ރައީސްވެސް, ދައުލަތަށް ޚަރަދު ކުޑަކުރުމުގެ ގޮތުން ފަސްޓު ކުލާހުގަ ދަތުރު ނުކުރައްވާނެކަމަށް ވިދާޅުވި މުއިއްޒު, މަތީ ފަންތީގެ ބައްދަލުކުރެއްވުންތަކަކާއި ހަރަކާތްތަކެއްގައި ބައިވެރިވެވަޑައިގަތުމަށް، އިނގިރޭސިވިލާތަށް އިއްޔެ ފުރާވަޑައިގެންނެވީ ފަސްޓު ކުލާހުގައިކަން “ދިޔަވަރު އޮންލައިން”އަށް ކަށަވަރު ކުރެވިއްޖެއެވެ.
މުއިއްޒު އިއްޔެ އިނގިރޭސިވިލާތަށް ފުރާވަޑައިގެންނެވީ ސަރުކާރުގެ ބޮޑު ވަފުދަކާ އެކީއެވެ. އެ ވަފުދުގައި ފަސްޓު ކުލާހުގައި މުއިއްޒުގެ އަރިހުގައި ދަތުރުކުރައްވާ ވަޒީރުންގެ ތެރޭގައި މިނިސްޓަރ އޮފް ޓޫރިޒަމް އެންޑް އެންވަޔަރަންމަންޓް ޠާރިޤް އިބްރާހީމާއި، ޚާރިޖީ ވޒީރު އަބުދުالله ޚަލީލުއާއި އިކޮނޮމިކް މިނިސްޓަރ މުހައްމަދު ސައީދުގެ އިތުރުން ރައީސް އޮފީހުގެ އިސް ބޭފުޅުންވެސް ހިމެނެއެވެ.
މުއިއްޒު އިނގިރޭސިވިލާތަށް ފުރާވަޑައިގެންނެވީ އެމިރޭޓްސް އެއާވޭސްގެ ފަރސްޓު ކުލާހުގައެވެ. އެމިރޭޓްސް އެއަރލައިންސްގެ ފަސްޓު ކުލާހަކީ ދުނިޔޭގެ އެއަރަލއިންތަކުގެ ތެރެއިން އެންމެ އަގުބޮޑު ކުލާސްކަން ފާހަގަ ކޮށްލެވެއެވެ. އެގޮތުން އެމިރޭޓްސް އެއަރލައިންގެ ފަސްޓު ކުލާހުގެ ޓިކެޓް އާންމު ގޮތެއްގައި އަގު އުޅެނީ 18 ހާސް އެމެރިކާ ޑޮލަރަށްވުރެ މަތީގައެވެ.
އެނގިފައިވާ ގޮތުގައި އެމިރޭޓްސް އެއާވޭސްގެ މުއިއްޒުއާއެކީ ދަތުރު ކުރެއްވި ހުރިހާ ވަޒީރުންވެސް ދަތުރު ކުރައްވާފައިވަނީ ފަސްޓު ކުލާހުގައެވެ.
ވެރިކަމުގެ ހުވާ ކުރެއްވުމަށްފަހު, ތުރުކީއަށާއި އެމިރޭޓްސްއަށް ކުރެއްވި ދަތުރުފުޅަށްފަހު އެނބުރި ވަޑައިގެން އެއާޕޯޓުގައި ނޫސްވެރިންނާ ވާހަކަދައްކަވަމުން 2023 ވަނަ އަހަރުގެ ޑިސެމްބަރުމަހުގެ 3 ވަނަ ދުވަހު މުއިއްޒު ވިދާޅުވީ އެމަނިކުފާނާއި ނާއިބު ރައީސްގެ ދަތުރުފުޅުތަކުގެ މަޤުޞަދަކީ ދައުލަތުގެ ފައިސާއިން ޚަރަދުކުރެއްވުން ނޫންކަމަށެވެ. ނަމަވެސް އެމަނިކުފާނާ ނާއިބު ރައީސްގެ ދަތުރުފުޅުތަކުގެ މަޤުޞަދަކީ ރައްޔިތުންނަށް ރަނގަޅު ނަފާވަނިވި ކަންތައްތަކެއް ހާސިލުކުރުން ކަމުގައި ރައީސް ވިދާޅުވިއެވެ.
އަޅުގަނޑު ބޭނުމެއް ނޫން ފަސްޓު ކުލާހުގައި ދަތުރުކުރާކަށް. ބިޒްނަސް ކުލާހަށްވުރެ މައްޗަށް ދާކަށް ބޭނުމެއް ނޫން. ނައިބުރައީސްވެސް ބޭނުމެއް ނޫން.
2023 ވަނަ އަހަރުގެ ޑިސެމްބަރުމަހުގެ 3 ވަނަ ދުވަހު ވެލާނާ އިންޓަރނޭބަނަލް އެއަރޕޯޓުގައި ނޫސްވެރިނާ ވާހަކަ ދައްކަވަމުން މުއިއްޒު ވިދާޅުވިއެވެ.
މައުލޫމާތު ލިބިފައިވާ ގޮތުގައި މުއިއްޒު އެނބުރި ޜާއްޖެ ވަޑައިގަންނަވާނީވެސް ޤަތަރު އެއަރވޭސްގެ ފަސްޓު ކުލާހުގައެވެ.
ފަސްޓުކުލާހުގައި އެމަނިކުފާނާ ނައިބު ރައީސް ދަތުރު ނުކުރައްވާނެކަމަށް ވިދާޅުވެފައި ވަނިކޮށް, ނާއިބު ރައީސްވެސް ރާއްޖެއިން ބޭރަށް ކުރެއްވި ހުރިހާ ދަތުރެއްވެސް ކުރައްވާފައިވަނީ ފަސްޓު ކުލާހުގައެވެ.
މުއިއްޒު ހިމެނޭގޮތުން ސަރުކާރުގެ އިސްވެރިން ދުނިޔޭގެ އެކި ކަންކޮޅުތަކުގައި ރަސްމީ ދަތުރުފުޅުތަކުގެ ނަމުގައި ދަލަތުގެ މާލިއްޔަރުން ޚަރަދު ކޮށްގެން, އެއްވެސް ހިފެހެއްޓުމެއްނެތި ދުނިޔޭގެ އެކި ކަންކޮޅުތަކުގައި އުދުހެމުންދާއިރު, ރާއްޖޭގެ އިގްތިސާދީ ހާލަތު ދަށްވެ, ޑޮލަރުގެ އަގު މިހާރުވަނީ 20 ރުފިޔާއަށް އުފުލިފައެވެ. އެހެންނަމަވެސް މުއިއްޒުގެ އިތުރުން ދައުލަތުގެ ވަޒީރުންވެސް އަދި އެމްއެމްއޭގެ ގަވަރުނަރުވެސް މިމައްސަލާގައި އެއްވެސް ކަންބޮޑުވުމެއް ފާޅު ކުރައްވާފައެއް ނުވެއެވެ.
ގިނަ ބަޔަކު މުއިއްޒު ސިފަ ކުރައްވަނީ ބަހާއި އަމަލާ ދިމާނުވާ ރައީސެއްގެ ގޮތުގައެވެ.