ސަރުކާރުގެ ކަމާގުޅުން ހުރި އިދާރާތައް ގުޅިގެން މިއަދު ނެރުނު ބަޔާނެއްގައި ބުނީ، ދިވެހިންނަށް ފެންވަރު ރަނގަޅު ބޭސް ލިބޭނެ ގޮތް ކަށަވަރު ކޮށްދިނުމަކީ ރައީސް ޑރ. މުހައްމަދު މުއިއްޒުގެ ވަރަށް މުހިއްމު ރިޔާސީ ވައުދެއް ކަމަށް ބުނެ އެކަން ހާސިލް ވެފައިވާ ކަމަށް ބުނެ ދޮގު ހަދައިގެން ސަރުކާރުން ބަޔާނެއް ނެރުނު އިރު، މި ބޭސް ގެނައުމަށް 1 ޖޫން 2023 ގައި އެމްޑީޕީ ސަރުކާރުން ވަނީ ހުރިހާ ކަމެއް ނިންމައި، އެއްބަސް ވުންތަކުގައި ސޮއެ ކޮށްފައެވެ.
ރައީސް ސޯލިހްގެ ސަރުކާރުން ވަނީ ޔޫރަޕް ކޮލިޓީ ބޭސް ރާއްޖެ އެތެރެކޮށް ވިއްކުމަށް ޓަކައި، މިހާރު އަމިއްލަ ފަރާތްތަކުން އެ ބާވަތްތަކުގެ ބޭސް ވިއްކާ އަގަށް ވުރެ އެތައް ގުނައެއް ހެޔޮކޮށް އެކަން ކުރެވޭނެ މަގު ފަހިކޮށް އެކަމާއި ގުޅުން ހުރި ހުރިހާ އެއްބަސް ވުމެއްގައި ސޮއެ ކޮށްފައެވެ.
ޕޫލް ޕްރޮކިއުމަންޓެއްގެ ތެރެއިން، އެއްފަހަރާ ގިނަ އަދަދެއްގެ ބޭސް ގެންނަން ޔޫއެންޑީޕީ އާއި އެސްޓީއޯއާ ހަވާލުކޮށް، އެމަސައްކަތް ވަނީ ރައީސް ސޯލިހުގެ އެމްޑީޕީ ސަރުކާރުން ފަށާފައެވެ.
މުއިއްޒުގެ ސަރުކާރުން ދަނީ ކޮންމެ ކަމެއްގައި ވެސް ރައްޔިތުންނަށް އޮޅުވާލައި ދޮގު ހަދަމުންނެވެ. މުއިއްޒުގެ ދޮގުތަކާއި އެއްވަރަށް ސަރުކާރުގެ މުއައްސަސާތަކާއި މިނިސްޓްރީތަކުންވެސް މިހާރު ދަނީ ދޮގު ހަދަމުންނެވެ. ސަރުކާރަށް 8 މަސް ދުވަސް ވެގެން 9 މަސް ފެށިގެން ދާއިރު، އެއްވެސް މިންވަރަކަށް ޤައުމަށް ކަމެއް ކޮށް ދެވިފައި ނެތުމުން، ރައްޔިތުންނަށް ދޮގު ހަދައިގެން ކުރީ ސަރުކާރުން ކޮށް ނިންމާފައިވާ ކަންކަމުން ކްރެޑިޓް ދަނީ ނަގަމުންނެވެ.