2026 އޭޕްރީލް މަހުގެ މެދުތެރޭގައި ޕާކިސްތާނުގެ މަރުކަޒީ ބޭންކް (State Bank of Pakistan) އިން އާންމުކުރި ތަފާސްހިސާބުތައް ދައްކާގޮތުން، އެގައުމުގެ ރަސްމީ ފޮރިން އެކްސްޗޭންޖް ރިޒާވް (Foreign Exchange Reserves) ވަނީ 8 ބިލިއަން ޑޮލަރަށްވުރެ ދަށަށް ވެއްޓިފައެވެ. މިއީ އެގައުމަށް ބޭރުން އެތެރެކުރާ މުދަލަށް (Imports) ހަމައެކަނި ދެ މަސްދުވަހު ޚަރަދުކުރެވޭނެ ބަޖެޓެކެވެ.
މި ހީނަރުކަމާ އެކު، ބައިނަލްއަގުވާމީ ކްރެޑިޓް ރޭޓިންގް އެޖެންސީތައް ކަމަށްވާ ފިޗް (Fitch) އަދި މޫޑީސް (Moody's) އިން ވަނީ ޕާކިސްތާނުގެ އިގްތިސާދީ ރޭޓިންގް "CCC" ގިންތީގައި ހިފަހައްޓާފައެވެ. މީގެ މައިގަނޑު ސަބަބަކީ ބައިނަލްއަގުވާމީ މާލީ އިދާރާ (IMF) އިން ދޫކުރަންޖެހޭ ބައިލްއައުޓް ޕެކޭޖުގެ އައު އިންސްޓޯލްމަންޓް ލިބުން ލަސްވުމާއި، ބޭރުގެ ދަރަނިތައް ދެއްކުމަށް ގައުމުގައި ޑޮލަރު ނެތުމެވެ.
އިގްތިސާދީ މާހިރުން ފާހަގަކުރާ ގޮތުގައި، ޕާކިސްތާނުގެ މި ހާލަތުގެ ސަބަބުން ބައިނަލްއަގުވާމީ މާކެޓްތަކުގައި އެގައުމަކީ "ދަރަނި ނުދެއްކި ބޭންކްރަޕްޓްވުމުގެ" (Sovereign Default) ފުރުސަތު ބޮޑު ގައުމެއްގެ ގޮތުގައި ސިފަވެފައިވެއެވެ. މީގެ ސަބަބުން ބޭރުގެ ސީދާ އިންވެސްޓްމަންޓްތައް (FDI) އެއްކޮށް ހުއްޓި، ގައުމުގެ އަގު މާލީ ދުނިޔޭގައި ވަނީ ވަރަށް ބޮޑަށް ހަލާކުވެފައެވެ.
ޕާކިސްތާނު މިހާލަތަށް ގޮސްފައިވަނީ އެ ޤައުމުގެ އޮތް މިލިޓަރީ ސަރުކާރުގެ ސަބަބުންނެވެ. މިލިޓަރީ މި ސަރުކާރަކީ ޑިމޮކްރަސީ އަށް އިޚްތިރާމް ނުކުރާ، ރައްޔިތުންގެ މައްޗަށް ގަދަ ބާރުން ވެރިކަން ހިންގަމުންދާ ސަރުކާރެކެވެ.
